Завршено преземањето на Bramac групата

Monier Group ја зацврстува својата присутност во централните пазари на југоисточна Европа

Луксембург, 30 јуни 2011година – Со денешниот датум заклучена е трансакцијата за преземање на Bramac групата од страна на Monier Group S.àr.l. До сега, двата joint venture партнери Monier и Wienerberger AG имаа секој по 50% удел во Bramac. Веќе на крајот од јануари 2011та година двете компании потпишаа спогодба за преземање на останатите 50% од страна на Monier.

Bramac, како водечка фирма за градежни материјали за покривни решенија во југоисточна Европа, врши производство во 13 производни единици и има околу 900 вработени. Во 2010та година, Bramac групата постигна промет во износ од 113.4 милиони евра. Фирмата, покрај ќерамиди, нуди и елементи за покривни системи и соларни системи. Како дел од Monier Group, Bramac ќе продолжи по својата насока, дури и со поголема брзина: Bramac сега многу поблиску ќе биде инволвирана во стратегијата за пораст на својата “мајка-компанија”, која е изградена на стабилни долгорочни проширувања на своите активности и профитаблен пораст. Интеграцијата на Bramac во Босна и Херцеговина, која во 2010та година постигна околу 2.7% од продажбата во Bramac групата, е одложена до завршувањето на административните процедури во земјата, што се очекува да заврши во најскоро време.

Pepyn Dinandt, CEO во Monier Group коментира: “Менаџментот и вработените во Monier Group се многу среќни што Bramac групата сега ни припаѓа нам. Преземањето на уделот претставува дел од нашата стратегија чија цел е оптимизирање на географските активности на Monier Group. На тој начин ја зацврстуваме нашата присутност на најважните пазари во југоисточна Европа, каде брендот Bramac е многу познат и долго време поседува цврсти врски со клиентите. Истовремено, преземањето ќе му овозможи на Bramac проширување на својата системска понуда за покривни решенија, посебно во делот за стабилност и енергетска ефикасност.”

Monier во постапката за целосно преземање на Bramac, го предаде својот удел во фирмата TondachGleinstätten AG. Неговите 25% сега ги презеде Wienerberger, која сега поседува 50% од TondachGleinstätten.

Monier
Monier Group е светски водечки понудувач на градежен материјал во областа на коси покриви, системи за вентилација и оџаци. Компанијата е активна во повеќе од 40 земји, управувани од холдинг компанијата со седиште во Луксембург. Благодарејќи на долгогодишното искуство, широкта палета на производи и меродавните иновации, Monier Group има можност да го искористи вкупниот покривен потенцијал во смисла постојаност, не само за денешните туку и за идните генерации. Во 2010та година, 8.900 вработени остварија обрт од 1.280 милијарди евра. За повеќе информации, Ве молиме, посетете ја: www.monier.com